Такуми Минамино — ўзбекистонлик футбол мухлисларига жуда ҳам яхши таниш ном.
Минамино Япониянинг турли ёш термалари билан ўзбекистонлик тенгқурларига қарши ўйнагани кўпчиликка маълум. 2019 йил 19 декабрида япониялик футболчи «Ливерпуль» футболчисига айланди. Такуми «Зальцбург»даги ўйинлари билан Мерсисайд клуби раҳбарларини ўзига қарата олган ва буни Чемпионлар Лигасидаги юзма-юз баҳсларда ҳам исботлаганди. «Қизиллар» Австрия клубига 7,25 миллион фунт тўлашдан қочмади. Ва жамоанинг ҳужум чизиғини кучайтириш салоҳиятига эга, ҳам ёш, ҳам иқтидорли футболчига эга бўлди. 16 январда 25 ёшни қарши олган Такуми бутун дунё бўйлаб тарқалган коронавирус сабаб «Ливерпуль»да ўзини кўрсатишга улгурганича йўқ. Ўйинлар тўхтатилгунга қадар Минамино Мерсисайд клуби сафида атиги 3 та ўйинда қатнашди, холос. Ўйинлар йўқлиги, шунингдек, карантин вазиятидан келиб чиққан ҳолда Такумининг «Ливерпуль»га келган вақтдаги интервьюсини «Дарё» ўзбек тилида тақдим этишга қарор қилди.
Ҳа айтганча, Минамино «Ливерпуль» сафидаги япониялик илк футболчи ҳисобаланади.
Маълумот учун, интервью 2019 йил декабрида олинган.
— Нималарни ҳис қилаётгани ҳақида
«Ливерпуль» ўйинчиси бўлиш каминанинг орзуси эди. Ушбу вақт етиб келганидан жудаям хурсандман».
— «Зальцбург»дагилар билан хайрлашгани ҳақида
«Зальцбург» — мен учун жуда ҳам муҳим клуб. У ердаги жамоадошларим, бош мураббий ҳамда мухлислар билан хайрлашишга улгурдим.
— «Ливерпуль» мухлислари уни орзиқиб кутгани ҳақида
«Бу ҳақида жуда кўп эшитдим, кўрдим. Аммо шунга қарамай хотиржам эдим. «Ливерпуль» Японияда жуда ҳам машҳур клуб. Ҳар бир япон футболчиси ушбу жамоада тўп тепишни орзу қилади. Қарор қабул қилиш учун кўп вақт талаб этилмади».
— Зальцбургда Наби Кейта (Наби ҳам айни дамда «Ливерпуль» футболчиси) билан бирга 1,5 йил ўйнагани ва Мерсисайдга келишдан олдин у билан гаплашмагани ҳақида
«У билан келгунимча гаплашганим йўқ. У мени, мен эса уни жуда яхши биламан. У билан бирга тўп тепиш имкониятини сабрсизлик билан кутяпман».
— АПЛ ҳақида
«Дунёдаги энг кучли лигалардан бири. Фаолиятим ривожланишдан тўхтамаса, бир кун келиб АПЛда ўйнашим мумкинлигини билардим. Бироқ ҳеч қачон «Ливерпуль»да ўйнайман деб ўйламагандим. Бундан жуда ҳам хурсандман».
— Жорий мавсум «Зальцбург»да яхши ўйнагани, «Ливерпуль» ўйинига мавсумнинг қолган қисмида таъсир кўрсатиши мумкинлиги ҳақида
«Жамоанинг бир бўлагига айланишим, менга ўзимни кўрсатиш учун имконият берилиши биланоқ, жамоа, унинг ғалабалари, муваффақиятлари учун бор кучимни ишга соламан. Ҳаммаси ҳақиқатга айланиши учун барча имкониятлардан фойдаланишга тайёрман».
— «Ливерпуль» ҳужум чизиғидаги рақобатга тайёрлиги ҳақида
«Бу ерда жаҳон даражасидаги футболчилар кўп. Албатта, улар билан рақобат қилиш осон бўлмайди. Осон эмас, аммо чақирувлар ташлашга тайёрлигимни кўрсатиш жуда муҳим. Айниқса жамоа учун. Мен эса бунга тайёрман».
— «Ливерпуль»га қарши жорий мавсум ўйнагани, «Энфилд» ҳақида
«Жамоа техник жиҳатдан жуда кучли, жисмоний тарафдан эса курашларга тайёр. Футболнинг юқори даражаси. Бу баҳсларда ростдан ҳам Чемпионлар Лигасининг амалдаги ғолибига қарши ўйнаётганлигимни тушунганман. Японияда «Энфилд» ҳақида ҳам жуда кўпчилик билади. Атмосфер, тарихи ва анъаналари жиҳатидан қаралса, «Энфилд» ўзгача стадион. «Ливерпуль»га қарши «Энфилд»даги баҳсни эслайман, атмосфера шунчаки фантастик эди».
— Юрген Клопп билан бирга ишлаш ҳақида
«Биргаликдаги фаолиятимизни интизорлик билан кутяпман. Менинг устунликларимни бир шуки, Юрген билан немисчада гаплаша оламан. Клопп дунёдаги энг яхши мураббийлардан бири ҳисобланади. Мен эса ҳар доим ўсишни, ривожланишни хоҳлайман. Шундай экан бу орқали жамоа ривожига ҳисса қўша олсам жуда яхши иш бўларди».
— «Ливерпуль»даги мақсадлари ҳақида
«АПЛ ва Чемпионлар Лигасида ғалаба қозониш. Шунингдек, жамоа ривожига ҳисса қўшиш. Бу асосий мақсадларим».
— «Ливерпуль» мухлисларига тилаклари
«Интизорлик билан «Энфилд»да ўйнаш имкониятини кутяпман Шунингдек, мухлислар билан учрашувларни ҳам. Голларим ва голли узатмаларим орқали жамоа муваффақиятига ҳисса қўшишни хоҳлардим. Шунингдек, ўз ҳис-туйғуларимни мухлислар билан бўлишадиган вақтларни кутяпман».
Бошқа интервью ва мақолалар:
- Одил Аҳмедов коронавирус, кўршапалак ва Хитой таомлари, Кевин де Брюйне ҳамда Ўзбекистонга қайтиши борасида
- Элдор Шомуродов Ростовдаги карантин, ҳаётидаги энг муҳим шахс ва азалий орзулари ҳақида
- Дарс қолдиргани учун тарсаки еган, болалигида футбол ўйнаш тақиқланган, Ferrari, самолётлардан воз кечган Садио Мане ҳақида
- Танқидлар, хотиржамлик, Зиданнинг ёрдами ва Каземиф ҳақида. «Реал»нинг 19 ёшли янги юлдузи Винисиуснинг катта интервьюси
- Чандиқли киши. 2 ёшида оғир ЙТҲга учраган, кейинчалик исломни қабул қилган Франк Рибери ҳақида
- 3 мингта жароҳатни бошдан кечирган, MMA’ни ёқтирмайдиган ва катталар учун фильмларда рол ижро этишга мажбур бўлган Жеки Чан ҳақида
Янада кўпроқ интервью ва мақолаларни ўқишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)