«Реал» Каземирога 3 ўринбосар топди. Уларнинг барчаси франциялик

Мадриднинг «Реал» клуби ярим ҳимоячиси Каземирога ўринбосар қидиришни бошлади.

«Қироллик клуби» керакли вақтда бразилиялик футболчининг йўқлигини билдирмайдиган ўйинчи топмоқчи. Айни пайтда «Реал» уч нафар франциялик футболчи номзодини кўриб чиқмоқда, дея хабар қилмоқда АS.

Биринчи номзод «Ренн» ярим ҳимоячиси Эдуардо Камавинга бўлиб турибди. «Реал» бош мураббийи Зинедин Зидан клуб президенти Флорентино Перес билан Камавинга трансфери борасида аввал ҳам суҳбатлашган. Ўша вақтда трансфер 10 миллион еврога баҳоланаётганди, ҳозир эса 17 ёшли футболчи 45—50 миллион евро туради.

Иккинчи вариант — «Челси» етакчиси Нголо Канте. Аввалроқ лондонликлар клуби Канте билан хайрлашишга тайёр экани, бироқ уни 80 миллион евродан камига сотмаслиги хабар қилинганди.

Шунингдек, «Реал» жамоаси «Лилль» вакили Бубакари Сумарега ҳам бефарқ эмас. Франция ёшлар терма жамоаси ярим ҳимоячининг трансфери 25 миллион еврога баҳоланмоқда.

Аввалроқ «Реал»нинг ёзги трансфер ойнасидаги асосий нишонлари Пол Погба ва Эрлинг Ҳоланд бўлиши хабар қилинганди.