Дрогба Кот-д’Ивуардаги шифохонасини коронавирусга қарши кураш учун тақдим этди

«Челси» клуби собиқ ҳужумчиси Дидье Дрогба ўз фондига тегишли Кот-д’Ивуардаги шифохонани коронавирус ташҳиси марказига айлантирди, дея хабар қилмоқда L’Equipe.

Собиқ футболчи ва мураббий Лоран Поку номидаги шифохона Абижан шаҳрида жойлашган.

«Хайрия учун Дрогбага ташаккур билдирамиз. Унинг бу иши ҳақиқий ватанпарварлик», — дейди Абижан мерияси матбуот хизмати.

14 апрель ҳолатига Кот-д’Ивуарда коронавирус юқтириб олганлар сони 626 нафарга етди. 6 киши инфексий аоқибатида вафот этган.