«Ливерпуль» клуби ПСЖ ҳужумчиси Килиан Мбаппе учун курашга қўшилиши мумкин, дея хабар қилмоқда The Sun.
Таъкидланишича, «Ливерпуль» ҳужумчиси Садио Мане ёзда «Реал»га ўтиб кетадиган бўлса, мерсисайдликлар Мбаппе трансфери борасида музокараларни бошлайди. «Ливерпуль» Мбаппени қўлга киритиш учун катта миқдордаги пул кетишини тушуниб турибди. Клуб 21 ёшли футболчини жамоага олиб келишда Мане трансферидан тушадиган маблағ ва клуб билан яқинда ҳамкорликни бошлаган Nike компаниясидан умид қилмоқда.
Аввалроқ сенегаллик футболчи мадридликлар қизиқишига сабаб бўлаётгани хабар қилинганди.
Жорий мавсум Мане Англия чемпионатида 26 ўйин ўтказиб, 14 гол ва еттита самарали узатмага муаллифлик қилди. Шунингдек, у Чемпионлар Лигасида икки гол ва 8 та голли узатма амалга оширди.
Мавзуга доир: Қатар амири қарор қилди: Мбаппе ёзда ПСЖдан кетмайди
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)