Ҳиндистоннинг Панжоб штати Жаландхар тумани аҳолиси ижтимоий тармоқларда Ҳимолай тоғларининг қорли чўққилари суратлари билан бўлишди, деб ёзади Esquire.
Тоғ чўққиларидаги қорлар узоқ вақтдан бери атмосфера ифлосланиши оқибатида кўринмаётган эди.
Ҳозирда коронавирус пандемияси туфайли карантин жорий этилгани учун атмосферага зарарли моддалар чиқарилиши сезиларли даражада камайди ҳамда ҳаво тозаланди.
«30 йилда илк марта Ҳимолайнинг қорли чўққилари Панжобдан, 200 километр масофадан, кўринмоқда», — деб ёзади ижтимоий тармоқ фойдаланувчиси.
Himalaya mountains can be seen from Jalandhar since pollution has reduced in Punjab. Beautiful sight 😍#punjab #COVID19 #pollution pic.twitter.com/iZy7hwxX9R
— TjSingh (@covsinghtj) April 3, 2020
Ҳиндистонда 24 мартдан эътиборан умуммиллий карантин эълон қилинган. Фуқароларнинг кўчага чиқиши тақиқланган, транспортда ҳаракатланишга ҳам чекловлар мавжуд, йирик завод ва корхоналар ишламаяпти. Айнан ушбу ҳолат мамлакатда об-ҳаво тозаланишига сабаб бўлган.
Ҳиндистон аҳолиси сони бўйича дунёда иккинчи ўринда туради, мамлакатда 1,3 миллиард киши яшайди. Ҳиндистон дунёдаги энг ифлосланган ҳавога эга мамлакат ҳисобланади.
Изоҳ (0)