«Ўзбекнефтгаз» компаниясининг UNG бренди остидаги автомобилларга ёнилғи қуйиш шохобча (АЁҚШ)ларида 13 апрелдан бошлаб Аи-91 маркасидаги бензиннинг бир литри нархи 5800 сўмдан 5600 сўмгача пасайтирилади. Бу ҳақда компания матбуот хизмати маълум қилди.
«Ўзбекнефтгаз»нинг қайд этишича, бензин ва дизель ёқилғиси нархи март ойидан бери пасайиб келмоқда. Ой давомида дизель ёқилғиси нархи 500 сўмга тушган эди. 26 мартдан эса Аи-92 маркали бензин нархи пасайтирилган эди.
Ўзбекистонда 1 майдан бошлаб Аи-80 маркали бензин ва дизель ёқилғиси нархининг давлат томонидан тартибга солиниши ҳам бекор қилинмоқда. «Ўзбекнефтгаз» бошқаруви раиси ўринбосари Улуғбек Ашуровнинг маълум қилишича, бу соҳадаги рақобат муҳитини ошириш ва нархларни туширишга хизмат қилади.
Изоҳ (0)