10 апрель куни ички ишлар вазирининг шахсий таркиб бўйича буйруғи билан лавозим тайинловлари амалга оширилди. Бу ҳақда вазирлик матбуот хизмати хабар берди.
Подполковник Караматдин Абдуллаев Қорақалпоғистон Республикаси Қонликўл тумани ИИБ бошлиғи лавозимига тайинланди. Караматдин Абдуллаев тайинловга қадар Амударё тумани ИИБ бошлиғининг тарбиявий ишлар бўйича ўринбосари лавозимида фаолият юритган.
Подполковник Акромхон Содиқов Андижон вилояти, Шаҳрихон тумани ИИБ бошлиғи лавозимига тайинланди. У бугунга қадар Андижон вилояти ИИБ Терроризм ва экстремизмга қарши курашиш бошқарма бошлиғининг ўринбосари — терроризм ва экстремизмга қарши курашиш бўлими бошлиғи лавозимида ишлаб келаётган эди.
Бухоро вилояти ИИБ бошлиғининг ўринбосари – тергов бошқармаси бошлиғи лавозимида фаолият юритиб келаётган подполковник Баҳодирхўжа Шарипов Бухоро шаҳар бўйича ички ишлар органлари фаолиятини мувофиқлаштириш бошқармаси бошлиғи лавозимига тайинланди.
Подполковник Хўжаназар Баҳриев Қашқадарё вилояти Муборак тумани ИИБ бошлиғи лавозимига тайинланди. Хўжаназар Баҳриев тайинловга қадар Қашқадарё вилояти ИИБ Жиноят қидирув бошқармаси шахсга қарши қаратилган жиноятларга қарши курашиш бўлинмаси бошлиғи лавозимида фаолият юритган.
Подполковник Акбар Савуров Навоий вилояти Кармана тумани ИИБ бошлиғи лавозимига тайинланди. У бунга қадар Учқудуқ тумани ИИБ бошлиғи лавозимида ишлаб келган.
Навоий вилояти Конимех тумани ИИБ 12-сон ички ишлар бўлинмаси бошлиғи лавозимида фаолият юритиб келган майор Аристангали Райханов Учқудуқ тумани ИИБ бошлиғи лавозимига тайинланди.
Майор Равшан Шерназаров Навоий шаҳар бўйича ички ишлар органлари фаолиятини мувофиқлаштириш бошқармаси бошлиғи лавозимига тайинланди. Равшан Шерназаров тайинловга қадар Кармана тумани ИИБ бошлиғи лавозимида фаолият юритган.
Подполковник Юнус Эшмуратов Навоий вилояти ИИБ Патруль-пост хизмати ва жамоат тартибини сақлаш бошқармаси бошқармаси бошлиғи лавозимига тайинланди. У бунга қадар Қизилтепа тумани ИИБ бошлиғи лавозимида ишлаб келаётган эди.
Навоий вилояти ИИБ Ташкилий бошқарма бошлиғи лавозимида фаолият юритиб келаётган подполковник Акмал Абдураимов Қизилтепа тумани ИИБ бошлиғи лавозимига тайинланди.
Майор Бекмирза Шодиев Сирдарё вилояти Мирзаобод тумани ИИБ бошлиғи лавозимига тайинланди. Бекмирза Шодиев тайинловга қадар Оқолтин тумани ИИБ бошлиғининг биринчи ўринбосари лавозимида фаолият юритган.
Майор Шавкат Нормуротов Сурхондарё вилояти Музработ тумани ИИБ бошлиғи лавозимига тайинланди. У бунга қадар Сариосиё тумани ИИБ бошлиғининг биринчи ўринбосари лавозимида фаолият юритган.
Фарғона вилояти, Қува тумани ИИБ бошлиғининг биринчи ўринбосари лавозимида фаолият юритиб келган подполковник Элёржон Хайдаматов Қува тумани ИИБ бошлиғи лавозимига тайинланди.
Мавзуга доир: Урганч ва Янгибозор туманларида ИИБ бошлиғи ўзгарди
Изоҳ (0)