Нукус шаҳрида яшаётган бир эркак киши ва унинг онасида вирус тасдиқланди. Бу ҳақда Қорақалпоғистон Республикаси Соғлиқни сақлаш вазирлиги маълум қилди.
Маълумотларга кўра, эркак иш юзасидан 14 март куни Тошкент шаҳрида бўлган. Вирусга гумонлангач, Республика юқумли касалликлар шифохонасига ётқизилган.
«Улардан тегишли таҳлиллар олиниб, Республика санитария-эпидемиологик осойишталик марказининг вирусология лабораториясига ва Тошкент шаҳридаги Вирусология илмий-амалий текшириш институтига юборилган. 5 апрель тунда таҳлил натижалари ушбу икки фуқарода коронавирус борлигини тасдиқлади», — дейилади хабарда.
Ушбу икки фуқаро вирусга гумон қилингандан сўнг дарҳол улар билан мулоқотда бўлган кишилар эпидемиологик текширувга олиниб, улар ҳам карантинга жойлаштирилган.
Ҳозирда ушбу икки фуқаро Нукусдаги Республика юқумли касалликлар шифохонасида даволанмоқда. Уларнинг аҳволи ўртача даражада.
Мавзуга доир:
Изоҳ (0)