Чарм билан эсда қоларли 5 образ (фото)

Чарм либослар, аксессуар ва оёқ кийимлар ҳамиша трендда. «Haip.info» қандай чарм кийимлар ушбу мавсумда урфда эканига тўхталди.

Комбинезон

Фашионсеварлар трендда бўлишлари учун гардеробларига чарм комбинезонни қўшишлари керак. Уни водолазка, футболка ёки топлар билан мослаш мумкин. Устидан тренч, oversize пиджак кийиш образни яна-да замонавий кўрсатади. Классик учли туфли ва боғичли ботинкалар чармга мос тушади.

Шортик

Чарм шортиклар 2019 йилдаёқ долзарб бўлишга улгурган бўлса-да, ҳали ҳамон аҳамиятини йўқотмаган. Шортик танлаганда, бичими ва ранги рангингизга тушишига эътибор беринг. Уни кенг ва калта свитерлар ҳамда узун ботфордлар билан мослаш мумкин.

Чарм пиджак

Чарм пиджак билан исталган образни якунлаш мумкин. Принтли юпқа кўйлак билан ҳам, жинси шим ёки юбка билан ҳам кийса бўлади. Ушбу пиджак айниқса, ёмғирли баҳор ҳавосида айни муддао.

Чарм юбка

Чарм юбкани офис ёки кечки зиёфатларга ҳеч иккиланмай кийсангиз бўлади. Кундалик образ учун эса минимал услубдаги футболка ёки топ билан, оёғингизга кроссовка ёки кеда билан кийишингиз мумкин.

Чарм ободок

Ушбу аксессуар исталган оддий услубга ўзига хослик киритади. Айниқса, уни ретро услубидаги зирак ва чарм клатч билан мосласангиз борми, образингиз эсда қоларли бўлади.