Алвидо малика: Меган Марклнинг қироллик оиласи вакили сифатидаги энг чиройли 10 образи

Меган Маркл шаҳзода ҳаётига кириб келгач, нафақат Гаррининг, балки қироллик оиласи ҳаётининг ҳам тартиб-қоидалари ўзгариб кетди. Унинг кийиниш услуби ва либослари эса ОАВ ҳамда мода ихлосмандлари эътиборини тортмай қолмади. Қуйида маликанинг энг эсда қоларли образларини ҳавола этамиз.

1. 36 яшар Меган Маркл, The Line’нинг оқ пальтосида илк марта ОАВ Британия шаҳзодасининг бўлажак рафиқаси сифатида кўриниш берганди. Пальто ичидан Parosh брендидан тўқ-яшил рангли кўйлак ҳамда Aquazzurа’дан тахминан 700 долларлик оч жигарранг туфли кийган.

2. Жуфтлик турмуш қурганидан кейин Меган илк бор Royal Ascot от мусобақасида Givenchy’дан оқ кўйлакда намоён бўлган. Образ қора аксессуарлари бор оқ шляпа билан янада мукаммал кўринган.

3. Виктория саройидаги Гамилтон шоусига малика Judith&Charles’дан калта қора кўйлакда, учли туфли ва клатч билан борган ва турли мулоҳазаларга сабабчи бўлган. Чунки унинг ушбу кўриниши қироллик оиласи кийиниш қоидаларига тўғри келмасди.

4. Sentebale мусобақасини томоша қилиш учун Меган, Carolina Herrera’дан тўқ кўк рангли кўйлак кийишни жоиз деб билган J.Crew’дан клатч, Aquazzura’дан туфли ва Tom Ford’дан қуёшдан сақловчи кўзайнак образни янада такомиллаштирган.

5. Дублинда Британия элчихонаси томонидан уюштирилган кечки базмда герцогиня Emilia Wickstead’дан тахминан 2640 долларлик қора кўйлак кийган. Шунингдек, Birks’дан 3475 долларлик бриллиант зирак, Aquazzura’дан 750 долларлик туфли ва Givenchy’дан 1190 долларлик клатч билан биргаликда образ учун жами 8855 доллар сарфланган.

6. Гаррининг жияни шаҳзода Луининг чўқинтириш маросимига Меган, Ralph Lauren’дан зайтун рангли кўйлак, Stephen Jones шляпаси ва Manolo Blahnik туфлисида ташриф буюрган.

7. Ушбу сурат Меган Маркл ва Кейт Миддлтонни Уимблдон теннис мусобақасининг финал босқичини томоша қилиш учун борганида олинган. Унда Меган, Ralph Lauren’дан кўйлак ва кенг оқ шим кийган.

8. 2018 йил Британия қироличаси Queen’s Young Leaders мукофотини эгаларига топшириш маросимида, Меган танлови Prada’нинг оч жигарранг кўйлаги ва Aquazzura туфлисида тўхтаган.

9. Givenchy’дан миди узунлигидаги кўйлак ва Sarah Flint туфлисини кийган ҳолда малика Меган илк марта Елизаветта I ни сафарга кузатган.

10. Вестминистер аббатлигида Қироллик ҳаво кучларининг 100 йиллиги муносабати билан уюштирилган зиёфатда Megan Dior’дан қора бежирим кўйлак, оч жигарранг клатч ва туфли кийишни маққул топган. Stephen Jones шляпаси ва Cartier’нинг бриллиант зираги эса образни янада жозибадор қилиб кўрсатган.