Италияда спорт мусобақалари, хусусан, А Серия ўйинлари май ойида қайта тикланиши мумкин.
Италия футбол федерацияси, А Серия раҳбарияти ва спорт вазири Винченцо Спадафора Италия чемпионатини қайта тиклаш борасида режа тузмоқда, дея хабар қилмоқда Adnkronos.
Италияда коронавирус эпидемиясини юқтириш даражаси пасайган тақдирда жамоа машғулотлари 3 майдан, мавсум эса 24 ёки 31 май куни қайта тикланиши мумкин. Айни дамда мамлакатда касалланишлар сонининг ўсиши бироз пасайган.
Машғулотлар бошланишидан аввал ўйинчилар ва уларнинг яқин қариндошлари коронавирусга текширилади ва изоляцияга юборилади. Барча таҳлиллар қониқарсиз натижа берсагина машғулотларга рухсат этилади.
Италия чемпионатининг 2019-20 йилги мавсуми коронавирус сабаб 26-турга келиб тўхтаб қолганди. «Ювентус» 63 очко тўплаган ҳолда пешқадамлик қилмоқда, ундан бир очко кам жамғарган «Лацио» иккинчи ўринни банд этган.
3 апрель санасига келиб Италияда коронавирус юқтириб олганлар сони 115 мингдан ортиқ. 18 мингдан ортиқ киши соғайиб кетган бўлса, қурбонлар сони 14 минг нафарга яқинлашиб қолди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)