«Милан» ва «Реал» клубларининг собиқ ярим ҳимоячиси Кака фаолиятининг энг яхши ва энг ёмон босқичлари ҳақида гапирди.
«Алоҳида вазиятни айтмайман, бироқ фаолиятимдаги энг яхши палла «Милан»да бўлган: 2007 йили Чемпионлар Лигаси, клублар ўртасидаги Жаҳон чемпионатидаги ғолиблик, «Олтин тўп» ва ФИФА томонидан йилнинг энг яхши ўйинчиси деб топилиш.
Энг ёмон вазият? Истанбул—2005. Бунга қўшимча шарт эмас.
Фаолиятим мобайнида кўплаб ёрқин футболчилар билан бирга тўп сурдим, бироқ энг зўри Роналдо эди. Кейинги ўринга Роналдиньони қўяман, «Милан» ва «Реал» сафида унга қарши бир неча бор тўқнаш келгандим», — дейди Кака.
Эслатиб ўтамиз, 2005 йил Истанбулда ўтган Европа Чемпионлар Лигаси финалида «Милан» танаффусга қадар «Ливерпуль» дарвозасига учта гол уради, бироқ якунда ингилз клуби ғалабани илиб кетганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)