«Ювентус» клуби ва Португалия терма жамоаси ҳужумчиси Криштиану Роналду фаолияти мобайнида 1 миллиард доллар ишлаб оладиган футбол тарихидаги илк ўйинчига айланади, дея хабар қилмоқда Business Insider.
Таъкидланишича, коронавирус туфайли юзага келган инқироз сабаб маошларнинг пасайишига қарамай Роналду 2020 йилда миллиард долларлик довонни забт этади.
«Ювентус»даги маошидан ташқари, Роналду эркаклар кийими ва меҳмонхоналар тизимига эга CR7 брендидан келадиган тушум, шунингдек, реклама шартномалари орқали даромад олади.
Шу тариқа Роналду фаолияти давомида миллиард доллар ишлаб топган учинчи спортчига айланади. Унга қадар гольфчи Тайгер Вудс ва боксчи кичик Флойд Мейвезер ушбу натижага эришганди. Шунингдек, собиқ баскетболчи Майкл Жордан ҳам миллиард доллар ишлаб топган спортчилар қаторига киради.
2020 йилда теннисчи Рожер Федерер улар қаторига қўшилади.
Мавзуга доир: Marca футбол тарихидаги энг яхши ўйинчини аниқлади
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)