Россиянинг кўча пойгачилари жамоаси Санкт-Петербургда худди Need for Speed: Most Wanted компьютер ўйинидаги каби саҳнани яратди. Роликдан кўриш мумкинки, бунда BMW M3 GTR, Toyota Supra ва Porsche Cayman иштирок этган, деб хабар беради Motor.
Россия шаҳрининг кўчаларидан олинган кадрларда Need for Speed: Most Wanted ўйинидаги инфографика ва баннерларни, шунингдек, учинчи шахснинг ўйинга қўшилиши, полициянинг турли жойлардан таъқиби ҳамда ўзгараётган об-ҳавони кўриш мумкин.
YouTube фойдаланувчилари видео остига ўйин ижодкорлари айнан шундай реалликка яқин даражага интилишлари лозимлиги ҳақида изоҳлар қолдирмоқда.
Таъкидланишича, бу Владислав Чекуновнинг биринчи ролиги эмас. 2019 йилнинг куз ойида у Need for Speed Underground сюжети асосида ҳам иккита видеони эълон қилган. Унда ўйиндаги оргинал созламалар менюси, овоз ва эффектлардан фойдаланилган.
Изоҳ (0)