Argentinaning Avelyaneda shahrida o‘tgan asrning oxirlarida ishlab chiqarilgan Fiat va Alfa Romeo markalari saqlangan ombor topildi. Barcha avtomobillar umuman yurmagan va ajoyib holatda saqlangan, deb xabar beradi Motor.
Kaskote Colcos firmasi vakilining so‘zlariga ko‘ra, ombor Ganza dilerlik markaziga tegishli bo‘lgan. 1990-yillar oxirida biznesga egalik qilgan inson vafot etgan va oradan o‘ttiz yil o‘tgach avtosalon hamda ombor joylashgan hudud sotuvga qo‘yilgan. Tashlandiq hududning yangi egasi u yerdan Italiya markasiga tegishli mashinalar kolleksiyasini topib olgan.
Sotilmagan partiyaning ichida Fiat Uno va Tipo xetchbeklari, Dupo furgonlari, Denoa va Tempra sedanlari, shuningdek, Alfa Romeo 33 topilgan. Bundan tashqari, italyan avtomobillari orasidan Peugeot 405 nusxasi ham topilgan. Ularning barchasi yuvilib, sotuvga qo‘yilgan.
Izoh (0)