Буюк Британияда ҳукмрон партия вакилларини касаллантирган энг биринчи беморнинг Brexit бўйича делегацияси вакили франциялик сиёсатчи Мишель Барнье бўлиши мумкин. Ушбу ахборот Буюк Британия бош вазири Борис Жонсоннинг қаердан коронавирус юқтириб олганига аниқлик киритишни истаган журналистлар суриштируви натижасида маълум бўлди. Бу ҳақда Daily Mail хабар қилди.
Барне шубҳа остига олинган асосий шахс, сабаби у 5 март куни Брюсселда Британия делегацияси раҳбари Дэвид Фрост билан музокаралар олиб борган. Эртасига Буюк Британияда Фростнинг нафас йўлларида коронавирус белгилари кузатилгани сабаб ўзини ўзи карантинга олгани эълон қилинди. Жонсон атрофидаги кишилар орасида айнан Фрост COVID-19 юқтириб олгани биринчи амалдор бўлиши мумкин.
Фростдан кейин бошқа юқори лавозимдаги британиялик амалдорлар, жумладан ахлоқ масалалари бўйича ҳукумат қўмитаси раҳбари Ҳелен Макнамара ҳам масофадан туриб ишлашга ўтди. Кейинроқ бош вазирнинг ҳам коронавирус юқтириб олгани маълум қилинди. Жонсон вақтинчалик карантинда эканига қарамай ўз ваколатларини ташқи ишлар вазири Доминик Раабуга топширмоқчи эмас.23 март куни Борис Жонсон мамлакат миқёсида карантин эълон қилган. Британияликларга фақат бирламчи асосий маҳсулотлар олиш, кунда бир маҳал спорт билан шуғулланиш, тиббий эҳтиёжлар ва заруриятга кўра ишга бориш учун кўчага чиқишга рухсат этилган. Шунингдек, қиролликда икки нафардан ортиқ одамнинг ўзаро йиғилиб суҳбатлашиши тақиқлаб қўйилган.
АҚШнинг Жон Ҳопкинс университети лойиҳаси берган маълумотларга кўра, Буюк Британияда коронавирус юқтириб олиш бўйича 19,7 мингта ҳолат рўйхатга олинган, 1,2 мингдан зиёд киши касаллик оқибатида вафот этган.
Изоҳ (0)