Самарқандда қўшнисини коронавирусга чалиниб, кўп ароқ ичиб ўлди деб ёлғон хабар тарқатган ва жамоатчиликни чалғитишга уринган фуқаро 30 кун қамоқда ўтирадиган бўлди. Бу ҳақда «Дарё» мухбири Фарҳод Норбўтаев хабар бермоқда.
Мавзуга доир:
Аниқланишича, Пахтачи туманида яшовчи 43 ёшли А.Ш. жорий йилнинг 25 март куни соат 16:00 да марҳум маҳалладошини «кўп миқдорда спиртли ичимлик истеъмол қилганлиги учун вафот этди» деб эшитган. Ва шу хабарни ижтимоий тармоқда «Пахтачи тумани ‘Тома’ маҳалласида яшовчи О. исмли шахс коронавирусга чалиниб, кўп миқдорда ароқ ичиб, бугун вафот этганлиги айтилмоқда», деб хабар тарқатган.
Вазият ўрганилганда фуқаро тарқатган хабар ёлғонлиги маълум бўлган.
Мазкур ишни кўриб чиққан Пахтачи туман маъмурий суди А.Ш.ни Маъмурий жавобгарлик тўғрисидаги кодекснинг 205-моддаси (Фавқулодда ҳолат тартиби шароитида жамоат тартибига тажовуз қилиш) билан айбли деб топиб, 30 сутка қамоқ жазосини тайинлади.
Мавзуга доир:
- Сурхондарёда коронавирус ҳақида ёлғон маълумот тарқатган шахс 1 млн сўмдан ортиқ жаримага тортилди
- Тошкент вилояти ҳокимлиги коронавирус юқтирган ҳамшира ҳақидаги ўзи тарқатган хабарни ўзи ёлғон деб атади
- Қашқадарёда карантин қоидаларини бузган икки чойхоначи ва бир «қочоқ» жаримага тортилди
- Қашқадарёда коронавирус ҳақида асоссиз хабар тарқатган шахс 10 кунга қамалди
Изоҳ (0)