Шавкат Мирзиёевнинг тўнғич невараси Миромон 15 ёшга тўлди

28 март куни Миллий масс-медиани қўллаб-қувватлаш ва ривожлантириш жамоат фонди Васийлик кенгаши раиси ўринбосари Саида Мирзиёеванинг ўғли Миромон 15 ёшга тўлди. Шу муносабат билан Шавкат Мирзиёевнинг кенжа куёви, Ўзбекистон MMA ассоциацияси, Триатлон федерацияси раиси, Ўрта Осиё MMA конфедерацияси раҳбари Отабек Умаров Instagram’даги саҳифасида Миромонга аталган табрик сўзини ёзиб қолдирди.

«15 ёш — инсон ҳаётидаги ажойиб ва жуда муҳим босқичлардан биридир, бу худди катталарникидек биринчи юбилей. Жоним укажоним Миромон, ушбу баҳор кунида сенга ёруғ умидлар, янги ғоялар ва ҳақиқий дўстликни тилайман. Фақат олдинга интилгин, ғалаба қозон, ота-онангнинг бахт-у қувончи, таянчи бўлгин. Бизнинг бутун оиламиз сен билан ва сенинг биринчи муваффақиятларинг билан фахрланади. Келгусида бундан ҳам катта натижаларга эришгин, барча орзуларинг рўёбга чиқсин! Туғилган кунинг муборак бўлсин!», — деб ёзади Отабек Умаров.

https://www.instagram.com/p/B-SU2ysJ7we/

Аввалроқ Отабек Умаров Ўзбекистонга ижтимоий ёрдам жўнатган БАА ҳукуматига миннатдорлик билдирган эди.

Отабек Умаров Президент оиласининг ижтимоий тармоқлардаги энг фаол вакили бўлиб, 4 декабрь куни Instagram’даги саҳифасида қайнонаси Зироатхон Мирзиёевани, божаси Ойбек Турсуновни 24 ноябрь куни таваллуд куни билан табриклаган эди (тўнғич куёв неча ёшга тўлгани маълум эмас). Аввалроқ 4 ноябрь куни Отабек Умаров божасининг рафиқаси Саида Мирзиёевани, 8 август куни ўз рафиқаси Шаҳноза Мирзиёевани, 1 августда ўз онасини таваллуд кунлари билан қутлаган эди. 28 октябрда эса оила қурганликларига 12 йил тўлгани муносабати билан Отабек Умаров ва Шаҳноза Мирзиёева бир-бирларини табриклашган эди (Отабек Умаров 25 январь куни ўртанча қизи Меҳрихонни 10 ёшга тўлгани муносабати билан, 17 сентябрда тўнғич қизи Маърифатхонни 11 ёшга тўлгани билан, 29 октябрда эса кенжа қизи Ранияни ҳам туғилган билан куни табриклаган).