Қашқадарё вилоятида коронавирусга қарши кураш ва аҳоли яшаш манзилларни дезинфекциялаш мақсадида 65 та махсус гуруҳ ташкил этилди, деб хабар берди «Дарё» мухбири.
Вилоят ҳокими Зоир Мирзаевнинг маълумот беришича, вилоятда дезинфекция ишлари учун 3 тонна хлор, 700 дона махсус ҳимоя кийими, 310 дона пуркагич аппарат ва 40 дона кичик сув идиши тайёрланган.
«Мазкур дезинфекциялаш воситалари 15 кунга етади. Бугундан бошлаб ишчи гуруҳнинг 40 таси туманларга чиқиб, дезинфекциялаш ишларини бажаради », — деди Зоир Мирзаев.
Маълум қилинишича, ҳар бири 5 тадан пуркагич аппарат билан таъминланган гуруҳлар таркибида ҳарбийлар, 60 нафар ФВБ ходими, 65 нафар ИИБ ходими ҳамда 30 нафар санитар мутахассис мавжуд.
«28 март куни соат 00:01 дан бошлаб Қарши шаҳрига кириш-чиқиш тўхтатилади. Шаҳарни туманлар билан боғловчи 7 та постда қаттиқ қўриқлаш амалга оширилади. Бунинг барчаси аҳоли саломатлиги учун қилинмоқда», — дейди Зоир Мирзаев.
Мавзуга доир: Қарши шаҳрига кириш-чиқиш 28 мартдан бошлаб тўхтатилади
Изоҳ (0)