Ла Лига раҳбарияти ҳамда клублари футбол бўйича Испания чемпионатининг 2019/20 йилги мавсумини якунлаб қўйиш ниятида ва бу борада учта вариантни кўриб чиқмоқда, дея хабар қилмоқда Marca.
Биринчи вариантда ўйинлар май ойи ўрталарида бошланади ва мавсум июль ойида якунланади. Клублар ҳафтасига учта ўйин ўтказишга тайёр ва учрашувлар томошабинларсиз ўтишига ҳам рози.
Иккинчи ҳолатда Ла Лига ёзда давом эттирилади, мавсумнинг сўнгги ўйинлари сентябрь ойига тўғри келади.
Коронавируснинг тарқалаши тўхтамайдиган бўлса, мавсум сентябрдан давом эттирилади. Янги мавсумнинг бошланиш вақти эса вазиятга қараб кейинроққа сурилади.
Испанияда 28 март ҳолатига келиб коронавирус юқтириб олган сони 65 мингдан ортиб кетди (дунёда тўртинчи ўрин). 5138 киши вирус оқибатида вафот этган.
Мавзуга доир:
- Англия Премьер Лигаси қачон қайтадан бошланади? Лига раҳбарияти жавоб берди
- Испания футбол федерацияси клубларга 500 млн евро миқдорида ёрдам пули бермоқчи
- «Барселона» коронавирус сабаб ходимлари иш соати ва маошини камайтирди
- «Маракана» шифохона, «Сантьяго Бернабеу» эса дори-дармон омборига айлантирилади
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)