Англия Премьер Лигаси, Англия футбол лигаси (EFL) ҳамда Англия профессионал футболчилар ассоциацияси қўшма баёнотини эълон қилди.
Унга кўра, томонлар коронавирус билан боғлиқ вазиятни муҳокама қилган. АПЛ, EFL ҳамда PFA мазкур қийин вазиятдан чиқиб кетиш учун биргаликда қарорлар қабул қилишга келишиб олган. Шунингдек, улар Англиядаги чемпионатлар (АПЛ, Чемпионшип, Лига 1 ва Лига 2) 30 апрелга қадар бошланмаслиги ҳақида қарор қабул қилган. Улар футбол мавсуми қайтадан бошланиши учун қачон яхши ва хавфсиз шароит вужудга келса, шунда футбол ўйинларига рухсат берилишини маълум қилган.
Маълумот учун, Буюк Британияда коронавирусга чалиниш ҳолати 14 751 тани ташкил этиб турибди. 761 киши эса ҳаётдан кўз юмган. Ҳатто мамлакат бош вазири Борис Жонсонда ҳам вирус аниқлангани ҳақида хабар берилди.
Мавзуга доир:
- Испания футбол федерацияси клубларга 500 млн евро миқдорида ёрдам пули бермоқчи
- Отабек Шукуров карантин вақтида муҳтож оилаларга ёрдам бериш учун 100 млн сўм хайрия қилди
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)