Туркманистон Ташқи ишлар вазирлиги Ўзбекистон томонига расман маълум қилишича, 2020 йил 24 мартдан бошлаб Туркманистоннинг давлат чегарасида жойлашган «Гарабогаз» ва «Фарап» назорат-ўтказиш пунктлари орқали автомобиль транспортида Туркманистон ҳудудига ёки ушбу мамлакат ҳудудидан транзит орқали юкларни ташиш фақат Туркманистон юк ташувчилари томонидан амалга оширилади, дейилади ТИВ ахборотида.
Бунда автомобиль тиркамаси ёки ярим тиркамадаги товарларни хорижий юк ташувчиларидан Туркманистон юк ташувчиларига ўтказиш давлат чегарасидаги махсус ажратилган жойларда контактсиз ўтказиш шарти билан амалга оширилади.
Ушбу чоралар Туркманистон ҳудудига янги турдаги COVID-19 коронавирусининг кириб келиши ва тарқалишининг олдини олиш мақсадида қабул қилинди.
Юк ташиш ва транзит билан боғлиқ масалалар бўйича Туркманистон томони «Маълумот маркази» ташкил қилган: +99365647471 (Ашхабод), +994502900301 (Боку), +998712023210, +998901297455 (Тошкент), дейилади ТИВ берган маълумотда.
Мавзуга доир:
Изоҳ (0)