Дорихоналарда нарх сунъий оширилиши савдо ёки хизмат кўрсатиш қоидаларини бузиш ҳисобланиб, 1,5 миллион сўмгача жарима солишга ёки лицензиянинг бекор қилинишига сабаб бўлиши мумкин. Бу ҳақда Давлат солиқ қўмитаси раиси ўринбосари Фазлиддин Умаров 25 март, чоршанба куни, бўлиб ўтган брифингда маълум қилди.
Маълум қилинишича, дори воситалари ва тиббий буюмлар улгуржи савдо учун сотиб олинган қийматидан 15 фоиздан, чакана савдо учун эса улгуржи нархидан 20 фоиздан ортиқ бўлмаган миқдорда белгиланадиган савдо устамалари қўлланган ҳолда сотилиши лозим.
Қайд этилишича, савдо ёки хизмат кўрсатиш қоидаларини бузиш дорихона раҳбарига 1,5 миллион сўмгача жарима солишга сабаб бўлади. Бундан ташқари, бу ҳолат дори воситаларини сотиш ҳуқуқини берувчи лицензия бекор қилинишига олиб келиши ҳам мумкин.
Эслатиб ўтамиз, Ўзбекистонда коронавирус тарқалишининг олдини олиш чора-тадбирлари доирасида юз ниқобилар қўшилган қиймат солиғидан озод қилинди ҳамда улар тиббий буюмлар рўйхатидан чиқарилди. Ўзбекистонда коронавирусни аниқлаш бўйича тест тизими ишлаб чиқилди.
Изоҳ (0)