Хитойда янги турдаги коронавирус билан касалланганлар сони кундан кунга камайиб бормоқда. Ҳозирда шифохоналарда 5120 нафар бемор қолган бўлиб, мамлакатдаги барча касалларнинг қарийб 90 фоизи даволанишга муваффақ бўлган. Бу ҳақда Хитой Соғлиқни сақлаш миллий комиссиясига таяниб, «РИА Новости» хабар берди.
Сўнгги маълумотларга кўра, Хитойда коронавирус билан касалланганлар сони 81 093 кишини ташкил этмоқда, даволанишга муваффақ бўлган 72 703 нафар беморга шифохонадан жавоб берилган. Бу эса жами беморларнинг 89,65 фоизини ташкил этади.
Пандемия бошланганидан буён Хитойда (Хубэй провинциясидан ташқари) 13 293 киши коронавирус билан касалланган бўлиб, уларнинг 117 нафари вафот этган. Бунда ўлим ҳолати 0,88 фоизни ташкил этмоқда. Эпидемия ўчоғи ҳисобланган Хубэй провинциясининг ўзида эса 67 800 кишида вирус аниқланган ва уларнинг 3153 нафари вафот этган (ўлим ҳолати 4,65 фоизга тенг).
Мавзуга доир:
Изоҳ (0)