Саудия Арабистони подшоҳи Салмон бин Абдулазиз ал-Сауд 23 мартдан бошлаб шаҳарлар аҳолисининг ҳаракатланишига тақиқ киритилиши ҳақидаги фармонни қабул қилди, деб хабар беради «РИА Новости».
Комендантлик соати коронавирус тарқалиши олдини олиш мақсадида кечки соат 19:00 дан эрталабки соат 06:00 гача 21 кун давомида амал қилади.
Аввалроқ коронавирус эпидемияси сабабли мамлакатдаги барча масжидларда жамоат намозларини адо этиш тақиқланганди.
Охирги кунларда подшоҳликда коронавирусга чалинганлар сони кескин кўпайиб кетган. Айни вақтда мамлакатда касалликка чалинганлар сони 511 нафарни ташкил қилмоқда.
Мавзуга доир:
Изоҳ (0)