Қирғизистонда коронавирус аниқланган Ўш вилоятининг Новқат туманида 20 март куни фавқулодда ҳолат режими жорий этилди. Бу ҳақда вилоят ҳокимлиги маълумотига таяниб «РИА Новости» хабар бермоқда.
«Новқат туманида фавқулодда ҳолат режимини жорий этиш тўғрисида қарор қабул қилинди», — дейилади вилояти ҳокимлиги хабарида.
18 март куни Қирғизистоннинг Сузоқ туманида коронавирус билан касалланиш бўйича учта ҳолат қайд этилганди. Улар Умрадан қайтган Қирғизистон фуқаролари бўлган.
Аввалроқ Қирғизистонда 16 мартдан бошлаб барча мактаблар ва олий таълим муассасалари 3 ҳафтага карантинга ёпилиши ҳақида хабар берилганди. Шунингдек, Қирғизистон ҳукумати коронавирус қайд этилган давлатларга борган хорижликларнинг мамлакатга киришини тақиқлаб қўйган.
Изоҳ (0)