Жанубий Кореяда сўнгги бир сутка ичида коронавирус инфекциясини юқтириб олиш билан боғлиқ 87 та янги ҳолат қайд этилди. Март ойидан буён касалланганларнинг умумий сони 8652 кишига, қурбонлар сони эса 94 кишига етди, деб ёзмоқда «РИА Новости». Бу ҳақда Жанубий Корея Соғлиқни сақлаш вазирлиги ҳузуридаги Касалликлар назорати ва профилактикаси марказлари ташкилоти (KCDC) маълум қилган.
Аввалроқ қурбонлар сони 91 кишига етгани ҳақида хабар берилган эди. Жанубий Корея ҳукумати эпидемиологик хавф даражасини энг юқори кўрсаткичгача оширган.
Мамлакат соғлиқни сақлаш вазирилиги хабарига кўра, Жанубий Корея 22 мартдан бошлаб мамлакат ҳудудига кирувчи Европадан келувчи хорижликлар вирусга текширувдан ўтиб, 2 ҳафталик карантинга олинади. Жанубий Корея фуқаролари ва мамлакатга узоқ вақтга келган чет элликлар текширувда коронавирус аниқланмаса ҳам, икки ҳафта давомида мустақил равишда ўзларини уйда изоляция қилишлари лозим бўлади.
Агар хорижликлар Кореяда яшаш жойига эга бўлмаса, у махсус муассасага юборилади. Агар улар қисқа вақтга келган бўлса, соғлиқни сақлаш органлари ҳар куни телефон орқали уларнинг аҳволидан хабардор бўлиб туради.
Изоҳ (0)