Эрон жаҳон ҳамжамиятидан Теҳроннинг коронавирусга қарши курашишига халақит бераётган АҚШ санкцияларини бекор қилишда ёрдам сўрамоқда. Бу ҳақда Эроннинг БМТдаги доимий ваколатхонасига таяниб, «РИА Новости» хабар берди.
«АҚШнинг ноқонуний ва ғайриинсоний санкциялари коронавирус тарқалишининг олдини олишга халақит бериб, эронликларнинг соғлиғи ва ҳаётига зарар етказмоқда», — дейилади ҳужжатда.
«Бошқача қилиб айтганда, АҚШ ўз юртида вирус тарқалишининг олдини олишга ҳаракат қилаётган бир вақтда, пандемия билан курашаётган айрим жабрланган давлатларнинг профессионал имкониятларига путур етказмоқда», — дейилади хабарда.
Ҳужжатда қайд этилишича, ушбу вазият «АҚШнинг Эрон ва бошқа айрим мамлакатларга нисбатан ноқоқуний санкциялари давом этаётгани боис» юзага келган. Таъкидланишича, эндиликда АҚШ санкциялари мамлакатларнинг нафақат савдо ва иқтисодий манфаатларига, балки фуқароларининг ҳаётига ҳам хавф турғдирмоқда.
Мавзуга доир: Эронда коронавирусни аниқлайдиган дастур яратилди. У миллионлаб одамларнинг ҳаракатини назорат қилмоқда
АҚШ ва Эрон ўртасида муносабатлар январь ойининг бошида АҚШ томонидан берилган авиазарбалар оқибатида Эроннинг юқори жанговар тайёргарликка эга бўлган махсус бўлинмаси раҳбари Қосим Сулаймоний ҳалок бўлганидан сўнг кескинлашган.
Изоҳ (0)