Goldman Sachs ва Morgan Stanley инвестиция банклари глобал инқироз бошланганини эълон қилди, деб ёзмоқда Bloomberg. Таҳлилчиларга кўра, ҳозир гап инқирознинг чуқурлиги ва мумкин бўлган давомийлиги ҳақида кетмоқда.
Morgan Stanley иқтисодчисининг қайд этишича, у инқирозни 2020 йилда глобал иқтисодиёт учун асосий сценарий деб билади. Йил якунларига кўра, жаҳон иқтисодиётининг ўсиши 0,9 фоиздан ошмайди. Goldman Sachs вакилининг сўзларига кўра, глобал ялпи ички маҳсулот ўсиши 1,25 фоизга етади.
Мавзуга доир: Goldman Sachs Евроиттифоқ банкларининг коронавирус сабаб 30 млрд евро йўқотишини тахмин қилди
Нашрнинг қайд этишича, таҳлилчиларнинг салбий прогнозлари кўплиги турли мамлакатлардаги молия органларини ишлаб чиқарувчилар ва кичик бизнесни қўллаб-қувватлаш чораларини кўришга ундайди.
Мавзуга доир: Ўзбекистонда коронавирус сабабли зарар кўриши мумкин бўлган соҳаларда солиқ таътиллари берилиши режалаштирилмоқда
Эслатиб ўтамиз, Ўзбекистон Марказий банки тижорат банкларига кредит олган тадбиркорларга коронавирус сабаб имтиёз даври беришни тавсия қилди. Шунингдек, март ойининг бошида Марказий банк қайта молиялаштириш ставкасини кўриб чиқиб, базавий ставкани ўзгаришсиз қолдирган ҳолда 16 фоиз деб белгилади.
Изоҳ (0)