Россия бош вазири Михаил Мишустин Саноат ва савдо, Мудофаа, Таълим, Фан ва олий таълим вазирликлари ҳамда «Росгвардия»га ҳарбийлар ва талабаларга шахсий ҳимоя воситаларини ишлаб чиқариш учун шароитлар яратиб бериш вазифасини қўйди, деб хабар беради «РБК».
Шунингдек, Мишустин шахсий ҳимоя воситаларини, хусусан, тиббиёт ниқобларини ишлаб чиқариш учун маҳбусларни ҳам жалб этиш бўйича Адлия вазирлиги ва Федерал Жазони ижро этиш хизматига вазифа қўйган.
«Улар ҳар куни ҳимоя воситаларини ишлаб чиқариши керак, кўрсатмада шундай дейилган», — деб ёзади нашр.
Бундан ташқари, Саноат ва савдо вазирлигига шахсий гигиена воситаларини истеъмолчиларга, шу жумладан «Россия почтаси» ва онлайн-савдо орқали етказиб бериш учун логистика яратиш вазифаси юклатилган.
Соғлиқни сақлаш вазирлиги ва Алоқа вазирлиги коронавирус ҳақида энг сўнгги маълумотларга эга бўлган махсус интернет-ресурсни ишлаб чиқиши, Федерал хавфсизлик хизмати эса ҳукуматдаги барча учрашувларни видеоконференциялар орқали ўтказиш имкониятини яратиши керак.
Нашр ҳукумат ва Саноат ва савдо вазирлигига бу борада сўров юборган.
Мавзуга доир:
Изоҳ (0)