«Korzinka.uz» супермаркетлар тармоғи асосчиси Зафар Ҳошимов ўзида вирус аломатларини дарҳол аниқлаб, ўз хоҳиши билан шифокорларга мурожаат қилган Ўзбекистондаги илк коронавирус билан касалланган беморга миннатдорчилик билдирди. Бу ҳақда бизнесмен ўзининг Facebook’даги саҳифасида ёзиб қолдирди.
Ўзида касаллик аломатларини пайқаши биланоқ коронавирус учун таҳлил натижаларини топширган аёлнинг бу жасоратига қойил қолдим ва тасанно айтаман.Эслатиб ўтамиз, Ўзбекистонда коронавирус инфекциясига чалиниш билан боғлиқ илк ҳолат 15 март куни тонг соат 06:00 да тасдиқланган эди. Биринчи бемор 11 март куни Франциядан қайтган аёл бўлди. Кейинчалик унинг ўғли, қизи, турмуш ўртоғи, невараси ва яна бир қариндошида ҳам коронавирус инфекцияси аниқлангани маълум қилинди. Сўнгги маълумотларга кўра, Ўзбекистонда коронавирус билан касалланганлар сони 10 кишига етган.Расмийларнинг маълум қилишича, у аёл олий тоифали шифокор экан. У шунчаки оддий эмас, балки малакали равишда ўзини ўзи даволаш билан шуғулланиши мумкин эди.
У бу каби ҳаракатни принциплари, масъулият ва фуқаролик позициясидан келиб чиқиб амалга оширганига ишонаман. Айнан унинг мурожаатидан сўнг биз мамлакатга коронавирус кириб келганидан бохабар бўлдик. Айнан у соғлиқни сақлаш тизимига бу ҳақда мурожаат қилгани ва таҳлилларни топширганидан сўнг ҳукумат карантин эълон қилди.
Ушбу аёл ўзининг бу каби ҳаракати билан қанчадан қанча инсоннинг ҳаётини сақлаб қолганини била олмаймиз, аммо ушбу иш очилганидан кейин ҳукумат томонидан дарҳол қабул қилинган самарали чоралар билан бир қаторда, биз минглаб одамлар ҳақида гапиришимиз мумкин. Раҳмат.
Зафар Ҳошимов, бизнесмен
Мавзуга доир: Зафар Ҳошимов ёлғон маълумотлар тарқатмасликка чақирди
Изоҳ (0)