“Korzinka.uz” supermarketlar tarmog‘i asoschisi Zafar Hoshimov o‘zida virus alomatlarini darhol aniqlab, o‘z xohishi bilan shifokorlarga murojaat qilgan O‘zbekistondagi ilk koronavirus bilan kasallangan bemorga minnatdorchilik bildirdi. Bu haqda biznesmen o‘zining Facebook’dagi sahifasida yozib qoldirdi.
O‘zida kasallik alomatlarini payqashi bilanoq koronavirus uchun tahlil natijalarini topshirgan ayolning bu jasoratiga qoyil qoldim va tasanno aytaman.Eslatib o‘tamiz, O‘zbekistonda koronavirus infeksiyasiga chalinish bilan bog‘liq ilk holat 15-mart kuni tong soat 06:00 da tasdiqlangan edi. Birinchi bemor 11-mart kuni Fransiyadan qaytgan ayol bo‘ldi. Keyinchalik uning o‘g‘li, qizi, turmush o‘rtog‘i, nevarasi va yana bir qarindoshida ham koronavirus infeksiyasi aniqlangani ma’lum qilindi. So‘nggi ma’lumotlarga ko‘ra, O‘zbekistonda koronavirus bilan kasallanganlar soni 10 kishiga yetgan.Rasmiylarning ma’lum qilishicha, u ayol oliy toifali shifokor ekan. U shunchaki oddiy emas, balki malakali ravishda o‘zini o‘zi davolash bilan shug‘ullanishi mumkin edi.
U bu kabi harakatni prinsiplari, mas’uliyat va fuqarolik pozitsiyasidan kelib chiqib amalga oshirganiga ishonaman. Aynan uning murojaatidan so‘ng biz mamlakatga koronavirus kirib kelganidan boxabar bo‘ldik. Aynan u sog‘liqni saqlash tizimiga bu haqda murojaat qilgani va tahlillarni topshirganidan so‘ng hukumat karantin e’lon qildi.
Ushbu ayol o‘zining bu kabi harakati bilan qanchadan qancha insonning hayotini saqlab qolganini bila olmaymiz, ammo ushbu ish ochilganidan keyin hukumat tomonidan darhol qabul qilingan samarali choralar bilan bir qatorda, biz minglab odamlar haqida gapirishimiz mumkin. Rahmat.
Zafar Hoshimov, biznesmen
Izoh (0)