АҚШ Вакиллар палатаси Дональд Трампнинг мамлакатнинг қуролли кучларини Эронга қарши куч ишлатиш ваколатларини чекловчи резолюцияни қабул қилди. Бу ҳақда Reuters’га таяниб, «РБК» хабар бермоқда. Аввалроқ Сенат ушбу ташаббусни қўллаб-қувватлаб овоз берганди.
Қайд этилишича, 227 нафар конгрессмен (шу жумладан, 6 нафар республикачи) ушбу чекловни қўллаб-қувватлаган, палата аъзоларининг 186 нафари эса бунга қарши чиққан.
Резолюция демократлардан бўлган сенатор Тим Кейн томонидан ишлаб чиқилган. Унга кўра, агар Конгресс президентга ҳарбий ҳаракатлар бошлашга рухсат бермаса, АҚШ Яқин Шарқдан Эронга қарши курашаётган ҳарбий кучларни олиб чиқиб кетиши лозим.
Энди ҳужжат бевосита Дональд Трампга юборилади. Унинг резолюцияга вето қўйиши кутилмоқда.
Эслатиб ўтамиз, Теҳрон ва Вашингтон ўртасидаги муносабатлар 2019 йилда Эрон ядровий келишувдан чиққанида кескинлашганди. 2020 йил январь ойи бошида АҚШ ҳарбийларининг Трампнинг буйруғи билан Эрон генерали Қосим Сулаймонийни ўлдирганидан кейин давлатлар ўртасидаги зиддият янада кучайди.
Шундан сўнг ядровий келишувга қўйилган сўнгги чекловлардан воз кечишини эълон қилди. Кейин Теҳрон Ироқ шимолидаги ва Бағдоддаги Америка ҳарбий базасига зарба берди. 8 январь куни Эроннинг ҳаво мудофааси тизими АҚШнинг қанотли ракетаси деб ўйлаб Украина халқаро авиакомпаниянинг Boeing 737-800 самолётини уриб туширди.
10 январь куни Вашингтон Эронга қарши янги санкциялар тизимини жорий этди.
Изоҳ (0)