Италия бош вазири Жузеппе Конте мамлакатда коронавирус инфекцияси тарқалишининг олдини олиш мақсадида янги чеклов чоралари жорий этилгани ҳақида халққа мурожаат йўллади. Контенинг мурожаати Facebook’даги саҳифаси орқали тўғридан-тўғри транслаяция қилинди.
Бутун Италия бўйлаб кўплаб дўконлар ёпилади. Истисно фақат озиқ-овқат ва дори-дармон каби асосий эҳтиёж маҳсулотларини сотадиганларга тегишли. Тамаки ва газета киоскалари ҳам ишлайверади. Бундан ташқари, транспорт, молиявий ва ишлаб чиқариш муассасалари ҳам ўз фаолиятини давом эттиради.
Қовоқхоналар, барлар ва ресторанлар кун давомида ёпиқ бўлади. Шу билан бирга, ушбу муассасалар уйларга таом етказиб бериш орқали ўз ишини давом эттириши мумкин.
«Бошқариш — 360 даражада атрофни кўра билиш дегани. Ушбу чақирув фуқароларимиз соғлиғига боғлиқ эканлигини яхши биламиз. Бу чақирув соғлиқни сақлаш тизимимиз учун қаттиқ синов бўлмоқда. Бироқ у, шунингдек, иқтисодиётимиз, кичик ва ўрта бизнесни ушлаб турувчи ишлаб чиқариш тармоқларига ҳам боғлиқ. Шу вақтга қадар қарорларимни вазирларим билан барча манфаатлар ва омилларини ҳисобга олган ҳолда қабул қилганман. Мен виждоним билан битим туздим. Биринчи навбатда, италияликларнинг соғлиғи ва доим шундай бўлиб қолади», — дейди бош вазир ўз мурожаатида.
Мавзуга доир:
Аввалроқ Италияда барча оммавий тадбирлар бекор қилиниб, фуқароларга уйдан чиқмаслик тавсия этилгани ҳақида хабар берилганди. Мактаблар 3 апрелга қадар ёпилган, ресторан ва барлар соат 18:00 га қадар ишлайди. Шунингдек, футбол бўйича Италия чемпионати ҳамда бошқа спорт тадбирлари бекор қилинган.
Изоҳ (0)