Американинг Time журнали 1920 йилдан буён аср қиёфасини белгилаган 100 нафар «Йил аёли»ни тўплади, деб хабар бермоқда Meduza. Нашр ҳар бир аёлни алоҳида муқовада акс эттирди.
Қайд этилишича, 100 та муқованинг 11 тасида турли йилларда «Йил одами» сифатида чоп этилган аёллар қиёфаси бор бўлса, қолган 89 таси янгидан яратилган.
Муқовада Pussy Riot иштирокчилари, қиролича Елизавета II, эко-фаол Грета Тунберг, Германия канцлери Ангела Меркель ва 2016 йилги АҚШ президентлигига номзод Ҳиллари Клинтон, 1966—1977 ва 1980—1985 йилларда Ҳиндистон бош вазири бўлган Индира Ганди, шунингдек, биофизик Розалин Франклин, математика олими Эмми Нетер, учувчи Амелия Эрхарт, қўшиқчи Мадонна ва малика Диана ҳам бор.
Time’да таъкидланишича, 1927 йилдан бошлаб 72 йил давомида журнал «Йил эркаги»ни танлаб келган. «Йил одами» номинацияси эса 1999 йилдан бошлаб жорий этилган.
Муқовадан жой олган барча аёлларни қуйидаги ҳавола орқали кўриш мумкин.
Изоҳ (0)