Amerikaning Time jurnali 1920-yildan buyon asr qiyofasini belgilagan 100 nafar “Yil ayoli”ni to‘pladi, deb xabar bermoqda Meduza. Nashr har bir ayolni alohida muqovada aks ettirdi.
Qayd etilishicha, 100 ta muqovaning 11 tasida turli yillarda “Yil odami” sifatida chop etilgan ayollar qiyofasi bor bo‘lsa, qolgan 89 tasi yangidan yaratilgan.
Muqovada Pussy Riot ishtirokchilari, qirolicha Yelizaveta II, eko-faol Greta Tunberg, Germaniya kansleri Angela Merkel va 2016-yilgi AQSh prezidentligiga nomzod Hillari Klinton, 1966—1977 va 1980—1985-yillarda Hindiston bosh vaziri bo‘lgan Indira Gandi, shuningdek, biofizik Rozalin Franklin, matematika olimi Emmi Neter, uchuvchi Ameliya Erxart, qo‘shiqchi Madonna va malika Diana ham bor.
Time’da ta’kidlanishicha, 1927-yildan boshlab 72 yil davomida jurnal “Yil erkagi”ni tanlab kelgan. “Yil odami” nominatsiyasi esa 1999-yildan boshlab joriy etilgan.
Muqovadan joy olgan barcha ayollarni quyidagi havola orqali ko‘rish mumkin.
Izoh (0)