Янги турдаги COVID-19 коронавирусини юқтириб олган Хитойнинг Хубэй провинциясида истиқомат қилувчи юз ёшли қария даволанишга муваффақ бўлди, деб хабар беради Xinhua агентлиги.
Маълумотларга кўра, қарияга Ухань шаҳридаги шифохонада 13 кунлик даволанишдан сўнг жавоб берилган. Таъкидланишича, эркак ушбу касалликдан даволанишга муваффақ бўлган энг кекса бемор бўлиб қолмоқда.
1920 йилнинг февралида туғилган фуқаро 24 февраль куни коронавирус сабаб шифохонага олиб келинган. Бундан ташқари, у Алсгеймер, қон босими ва юрак етишмовчилигидан ҳам азият чекиб келади.
Агентликнинг ёзишича, беморнинг аҳволи мураккаб бўлгани сабаб ҳарбий шифокорлар ўзаро маслаҳатлашган. Натижада улар беморни вирусга қарши дорилар, анъанавий Хитой табобати ва плазма қуйиш билан даволашга келишиб олган.
Мавзуга доир: Коронавирус сабаб Ўзбекистонда халқаро тадбирлар ва спорт мусобақалари вақтинча тўхтатилди
Изоҳ (0)