Brent маркасидаги нефтнинг нархи аввалги минимумидан ўтиб, бир баррели учун 31,38 долларгача тушиб кетди, деб хабар беради «РИА Новости».
Нефть нархининг тушиши давом этмоқда. Москва вақти билан соат 07:41 да Brent фючерс маркасидаги нефтнинг нархи 28,69 фоизга арзонлашиб, бир баррели 32,28 долларга баҳоланган. Бир неча дақиқа олдин кўрсаткичлар 2016 йилнинг январидаги минимумни янгилаган эди. WTI маркасидаги нефтнинг нархи эса 31,35 фоизга тушиб, баррели учун 28,33 долларга етган.
Аввалроқ Bloomberg нефть 1991 йилдан буён рекорд пасайишни кўрсатгани ҳақида хабар берганди. Ўшанда АҚШ Форс кўрфазида Ироқ томонидан қўлга олинган Кувайтни озод этиш бўйича «Саҳродаги бўрон» операциясини бошлаган эди.
Россия ва Нефть экспорт қилувчи давлатлар ташкилоти (ОПЕК) 6 март куни нефть ишлаб чиқаришни қисқартириш бўйича амалдаги келишувни узайтирмаган. Оқибатда апрель ойидан бошлаб барча чекловлар бекор қилинади. Жаҳонда нефть нархининг 20 фоизга тушиб кетиши фонида доллар курси 72 рублга, евро эса 82 рублга етди.Келишув амалга ошмагач, нефть нархи бир кун ичида қарийб 9 фоизга арзонлашган. Бу охирги 11 йил ичида бир кунда кузатилган нархнинг энг юқори пасайиши бўлди. Saudi Aramco’нинг капитализацияси IPO нархларидан ҳам паст қийматда баҳоланган.
Изоҳ (0)