UFC 248. Енгилмас Исраэл Адесаня 42 ёшли Ромерони мағлуб этиб, чемпионлик камарини ҳимоя қилди

MMA бўйича 8 март, якшанба тонгида Лас-Вегасдаги T-Mobile Arena саройида UFC 248 мусобақаси бўлиб ўтди.

Мусобақанинг асосий жанги UFC’нинг ўрта вазндаги чемпиони Исраэл Адесаня (19-0) ҳамда 42 ёшли Ёэл Ромеро (13-5) ўртасида кечди. Жангнинг катта қисми Ромеронинг устунлиги остида ўтди. Бироқ ҳакамлар 5 раунд якунига кўра, Адесанянинг ғалабасини қайд этди. Шу тариқа Исраэл Ромерога қарши жангда ўзининг чемпионлик камарини илк бор ҳимоя қилди.

UFC 248 мусобақасининг бошқа жанглари натижалари:

• Вейли Чжан (21-1) ҳакамлар қарорига кўра Ёанна Енжейчикни (16-4) мағлуб этди.
• Бенеил Дариуш (18-4-1) ҳакамлар қарорига кўра Драккар Клозени (11-2-1) мағлуб этди.
• Нил Магни (22-7) ҳакамлар қарорига кўра Ли Сзинлянни (17-6) мағлуб этди.
• Алекс Оливейра (20-8-1) ҳакамлар қарорига кўра Макс Гриффин (15-6) мағлуб этди.