Ўзбекистон спорт курашлари ассоциацияси ўзбекистонлик эркин курашчи Ҳасанбой Раҳимовдан допинг аниқлангани юзасидан расмий баёнот берди.
Таъкидланишича, Ўзбекистон спорт курашлари ассоциациясига Бутунжаҳон бирлашган кураш федерациясидан (UWW) расмий мактуб келиб тушган. Мактуб мазмунида UWW Мустақил антидопинг ташкилоти (ITА) таҳлилларига асосланган ҳолда Ҳасанбой Раҳимовда допинг аниқланганини айтилган.
Раҳимовдан 2019 йили Қозоғистоннинг Нур-Султон шаҳрида ўтказилган спорт курашлари бўйича катталар ўртасидаги Жаҳон чемпионати чоғида олинган допинг-таҳлили ижобий натижа берган. Текширув Германиянинг Дрезден шаҳридаги лабораторияда ўтказилган. Раҳимовнинг қон таркибида тақиқланган кломифен моддаси борлиги аниқланган.
Мавзуга доир: Ўзбекистонлик эркин курашчи допинг сабаб Токио—2020 Олимпиадаси йўлланмасидан маҳрум этилди
Ўзбекистон спорт курашлари ассоциациясининг тушунтириш беришича, Ҳасанбой Раҳимов соғлиғида юзага келган муаммо сабаб шифокор тавсиясига кўра дори воситаси қабул қилган. Аммо, бу восита таркибида тақиқланган кломифен моддаси борлигини билмаган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)