«Ўзбекнефтгаз» АЖ Тошкент, Наманган, Фарғона, Андижон, Гулистон, Жиззах, Самарқанд ва Қарши шаҳарларидаги 45 дан ортиқ ёқилғи қуйиш шохобчаларида 1 мартдан бошлаб дизель ёқилғисининг нархи 7500 сўмдан 7300 сўмга пасайтирилганини хабар қилди.
«Одатда, нарх талаб ва таклиф ўртасидаги мувозанат нуқтасида белгиланади. Маҳсулот нархини пасайтириш талабни оширади ва таклифни камайтиради. Бундан ташқари истеъмолчиларнинг манфаатларини инобатга олган ҳолда, шунингдек, биржада дизель ёқилғисини сотиб олиш харажатлари камайгани муносабати билан дизель ёқилғисининг нархи камайтирилди. Бу билан ушбу маҳсулотни сотиш ҳажмини оширишга эришамиз», — деган «Ўзбекнефтгаз» АЖга қарашли UNG Petro МЧЖ директори М.Мусаев.
Хабарга кўра, «Ўзбекнефтгаз» ёқилғи қуйиш шохобчалари тармоғи орқали сотиладиган дизель ёқилғисининг нархи хорижий компаниялар томонидан Ўзбекистонда сотиладиган дизель ёқилғиси нархидан 9 фоиз, АI-92 маркали бензин нархидан эса 14 фоизга арзон.
Изоҳ (0)