Вазирлар Маҳкамасининг 4 мартдаги қарорига асосан, Россиянинг Москва энергетика институти (МЭИ) миллий тадқиқот университети Тошкент филиалининг тузилмаси тасдиқланди. Бу ҳақда Адлия вазирлиги хабар берди.
Қарорга мувофиқ, талабаларни тўлов-контракт асосида ўқитиш қиймати МЭИ миллий тадқиқот университети, Ўзбекистон Олий ва ўрта махсус таълим вазирлиги ҳамда Ўзбекистон Энергетика вазирлиги билан келишилган ҳолда филиал томонидан тасдиқланади.
Москва энергетика институти (МЭИ) миллий тадқиқот университети Тошкент филиалини ташкил этиш бўйича келишув 2018 йилнинг октябрь ойида имзоланган.
Филиал Ўзбекистон Президентнинг 2019 йил 4 июндаги қарори билан ташкил этилган бўлиб, унинг асосий вазифаларидан бири Ўзбекистон энергетика тармоғи учун малакали муҳандис-техник кадрлар тайёрлаш ҳисобланади. 2019/2020-ўқув йилларида таълим муассасасига «Иссиқлик энергетикаси ва иссиқлик техникаси» ҳамда «Электр энергетикаси ва электр техникаси» йўналишлари бўйича бакалавриат очилган.
Ҳукуматнинг 2019 йил 15 сентябрдаги қарори билан Ҳожиакбар Далиев Россия университети филиалининг ижрочи директори лавозимини эгаллаган.
Изоҳ (0)