Россиянинг Оренбург вилоятида уч нафар ўзбекистонлик бола қизамиқ ташхиси билан шифохонага ётқизилди. Бу ҳақда Оренбург вилояти соғлиқни сақлаш бошқармаси ахборот хизматига таяниб «56orb.ru» хабар қилган.
Хабарга кўра, Ўзбекистондан борган болалар қизамиққа қарши эмланмаган ва бунинг оқибатида уларда касаллик бошланган. Болалар Оренбургда мактабга ҳам, боғчага ҳам бормаганлиги айтилмоқда.
Айни вақтда бемор болалар Зиновев номидаги шаҳар 6-стационар касалхонасига ётқизилган.
Оренбургда аввал ҳам, аниқроғи, Янги йил байрами арафасида қизамиқ билан касалланганлар борлиги хабар қилинган. Нашрнинг ёзишича, ўшанда ҳам касаллик билан боғлиқ биринчи ҳолат Ўзбекистондан келган одамда кузатилган.
Изоҳ (0)