2020 йилнинг 22 февраль куни тахминан соат 21:00 ларда 30 ёшли Б.К. Янгиер шаҳри Алишер Навоий кўчасида ўзаро жанжал оқибатида 42 ёшли А.Т.нинг қорин қисмига темир қайчи билан уриб, унга тан жароҳати етказган. Бу ҳақда ИИВ ҳузуридаги Тергов департаменти хабар берди.
Воқеадан кейин А.Т. шифохонага ётқизилган. Судга оид экспертизанинг 28 февралдаги хулосасига кўра, жабрланувчи А.Т. оғир тан жароҳатлари олган.
Мазкур ҳолат юзасидан Янгиер шаҳар ИИБ ҳузуридаги Тергов бўлими томонидан Ўзбекистон Республикаси Жиноят кодексининг 104-моддаси 2-қисми «э» банди билан жиноят иши қўзғатилган ва Б.К. процессуал тартибда ушланган, дастлабки тергов ҳаракатлари олиб борилмоқда.
Изоҳ (0)