Ижтимоий тармоқларда «Миллион» жамоаси аъзоси Умиджон Ҳайдаровни машинасидан ниқобли одамлар томонидан гиёҳванд модда топилиб, «маски-шоу» қилиниб, қўлларини қайириб олиб кетишаётгани акс этган видеолавҳа тарқалди.
Кейинроқ видеолавҳа Zo‘r TV каналининг «Хафа бўлиш йўқ» кўрсатувининг навбатдаги сони эканлиги маълум бўлди.
Ушбу видеолавҳа ижтимоий тармоқларда катта муҳокамаларга, кескин танқидларга сабаб бўлди.
Ички ишлар вазирлиги ахборот хизмати ушбу вазиятга ойдинлик киритиш мақсадида кўрсатув бошловчилари Аброр Бахтиёрович ҳамда Санжар Пардаев билан учрашди. Кўрсатув бошловчилари вазиятга қуйидагича муносабат билдирган:
1 март — Халқаро гиёҳвандликка қарши кураш куни. Айнан шу кунга биз ҳам ўз ҳиссамизни қўшгимиз келди. Санжар билан маслаҳатлашиб, бу ишни қилсак, охири нима бўларкан деганимизда зўр бўлади, шу ишнинг охири нима бўлишини кўрсатиб бераяпмизми, ундан кейин одамлар қўрқиб, ўша ишни қилмайди, деган фикрга келганмиз.Кўрсатувнинг яна бир бошловчиси Санжар Пардаев ушбу вазиятга қуйидагича муносабат билдирди.Аброр Бахтиёрович, «Хафа бўлиш йўқ» кўрсатуви бошловчиси
Бу видеони ҳали икки дақиқалик қисмини чиқардик, буни номини «тизер», «анонс» дейишади. Бу кўрсатувнинг ваҳима жойини ўзимиз тарқатдик, бундан юртдошларимиз таъсирланишган. У ерда кимдир фарзандини, кимдир укасини ўйлаб таъсирланган бўлиши мумкин, таъсирлангани яхши. Наркотикдан узоқ юриш керак. Кўрсатувни тўлиқ ҳолатда кўришса, ҳаммаси ойдинлашади.Маълумот учун, «Хафа бўлиш йўқ» кўрсатуви бошловчи Аҳрор Қўшматов чиққан сони ҳам тармоқларда кескин танқид қилинган эди.Юртдошларимизда озгина ваҳима пайдо бўлибди. Ваҳима пайдо бўлгани ҳам яхши, демак, биз тадбирга ҳиссамизни қўша олдик. Биз гиёҳвандлик мавзусида сал бошқачароқ, оддийроқ ёндошганимизда ҳеч ким эътибор бермаслиги мумкин эди. Кадрларни эса одамлар фарзандларига эътиборлироқ бўлишсин деган мақсадда тарқатганмиз. «Хафа бўлиш йўқ» кўрсатувининг ҳар бир сонида тарбия бор, фақат кўрсатувни ёки канални ёмон кўриб эмас, тўғри маънода кўришлари керак.
Агар шу видеони ҳамма кўрган бўлса, биз мақсадимизга эришдик. Биз гиёҳвандликка қарши курашишга ўз ҳиссамизни қўшдик.
Санжар Пардаев, «Хафа бўлиш йўқ» кўрсатуви бошловчиси
Изоҳ (0)