Хонанда Анвар Санаев «Дарё» интернет-нашрига эксклюзив интервью берди. Интервьюни журналист Феруз Муҳаммад ташкиллаштирди.
Анвар Санаев суҳбат давомида Жасур Умировнинг «Кабутарим» деб номланган видеоклипида бозори ўтмай қолган хонанда ролини ижро этгани сабабига ойдинлик киритди.
Лекин ҳеч қаерда берилмаган саволни бердингиз. Бу ўзимнинг ичимда қолиб кетган гап эди. Жасур келиб, ‘устоз сизни қўшиқларингизни эшитиб катта бўлганман, сизни концертларингизда киришга пулим бўлмаган вақтлар бўлган, менинг концертимга боринғ, илтимос деб таклиф қилган. Концертига бордим, концертда устозим деб эълон қилди, ‘раҳмат эътибор учун’, деб омад тиладим. Отаси билан яхшиман, отаси яхши инсон, ‘ўғлим сизнинг йўлингиздан кетган’, деб кўп гапирганлар.Маълумот учун, Анвар Санаев бугунги кунгача 1000 дан ортиқ турли концерт заллари, стадионларда яккахон концерт дастурларини тақдим этган. АҚШ, Германия, Россия Федерацияси ҳамда Ҳиндистон давлатларида ҳам яккахон концерт дастурларини тақдим этган. Хонанданинг 20 дан ортиқ мусиқий альбомлари, 200 дан ортиқ муаллифлик қўшиқлари бор.Бир пайт Жасур клипга таклиф қилиб қолди, ‘устоз шу клипимга тушиб берсангиз’, деди. ‘Клипда мен туш кўраман, тушимда таниқли қўшиқчи бўламан, шу даражада таниқли бўламанки, сёмка қилаётганингизда сизни кўриб, ният қилиб ёнингиздан ўтиб кетаман’, деди. ‘Маъноси яхши экан, майли чиқиб бераман’, дедим. ‘Қанча пул берсам бўлади?’, деганида ‘қизиқмисан дедим, ‘биз учун бу яхши-ку, устоз деб турган бўлсанг, унақа дема, уят бўлади’, дедим.
Суратга олиш ишларининг бошидан охиригача бўлмаганман, ўзимнинг жойимни ўйнадимда кетдим. Ўн-ўн беш кун ўтгандан сўнг, ‘клипни чиқишидан олдин бир кўрай’, дедим. ‘Ҳўп, устоз’, деб клипни кўрсатишди. Қарасам умуман бошқа ҳолат, бировга яхшилик қиламан деб клипига чиқсанг-да, сени пастга ургандек қилиб олиб чиқишса. ‘Укам бу нима қилганинг, сенга яхшиликка ёмонликми бу’, дедим. ‘Сенга ёрдам бўлсин, деб клипингда чиққан бўлсам, айтган гапинг қани, сенинг лафзинг борми?’, дедим. ‘Устоз, шунақа монтаж қилиб қўйишибди’, деди. ‘Чиқаришдан аввал монтажни тўғрила, айтганингдек қил деганимда’, ‘бўлди, тўғрилаймиз’, деди.
Эртаси куни телефон қилиб, ‘устоз, узр, клип чиқиб кетиб қолибди, интернетга тарқаб кетибди’, дейди. ‘Яхши иш қилмадинғ, дедим. Ўшандан кейин у боладан кўнглим совуди. Лекин қаерда бўлса кўришамиз. Ўзига ҳам кўп марта ‘яхши иш қилмагансан, лафзида турмаган белафз одамнинг ишини қилгансан’, деганман.
Аллоҳнинг қудрати билан ўша клипи ҳеч қаерга ўтмади. Ҳамма жойда бадиий кенгашлардан ўтмасдан қайтарилди. Ёш қўшиқчи бўлгани учун шунақа иш қилган деб ўйлайман.
Анвар Санаев, хонанда
Изоҳ (0)