Сўнгги янгиликлар
    • USD 12190.01
    • RUB 126.91
    • EUR 12987.24
    Маданият

    Анвар Санаев — антиқа «запрет»ларга тушиш бўйича рекордчи. Икки йиллик учинчи «запрет»га тўйдаги сурат сабаб бўлган

    43709

    Хонанда Анвар Санаев «Дарё» интернет-нашрига эксклюзив интервью берди. Интервьюни журналист Феруз Муҳаммад ташкиллаштирди.

    Фото: «Дарё»

    Фото: «Дарё»

    Анвар Санаев суҳбат давомида диний оқимга алоқаси бор одам билан расмга тушгани учун учинчи марта «запрет»га тушгани ҳақида гапириб берди.

    https://youtu.be/q8HSVypQLpc?t=29m36s

    Юлдуз Усмоновани яхши хонанда деганим учун ‘запретъга тушганимдан кейин бир амаллаб ‘запрет’дан қутулдим. ‘Гўзалим Барнo’ деб номланган концерт дастуримни 2010 йилда тақдим қилдим. Мухлислар жуда ҳам яхши кутиб олишди. Концертдан кейин тайёр туришадими, дейманда, концертинг яхши чиқса дарров ‘запрет’дасан. Ўша вақтда Ички ишлар вазирлигининг ансамблида ишлардим, у ерга чақириб ишдан бўшаш ҳақида ариза ёзишимни сўрашди. Сабабини сўрасам, хавфсизлик томонидан ‘запрет’га тушибсиз, шунинг учун аризани ёзиб бўшанг, сизни ишдан бўшатишим керак экан, бизга шундай буйруқ бўлган’, дейишди. Ариза ёзиб бердим ва ишдан бўшадим.

    Икки йилча вақт ўтгандан кейин суҳбатга чақириб, ‘Нимага ‘запрет’га тушганингни биласанми?’ дейишди билмаслигимни айтдим. ‘Сен диний оқимга алоқадор одамлар билан расмга тушгансан’ дейишди. ‘Кўрсам бўладими?’ дедим. Расмга қарасам, тўйда тушганман. ‘Бу тўй-ку, мен бу одамни қаердан биламан, биров расмга тушаман деса, йўқ деб туриб олмайман-ку’. Халқнинг хизматига боргандан кейин барча хизматига тайёр бўлиб борилади. ‘Бу одамни ростдан танимайсанми’, дейишди, танимаслигимни айтдим. ‘Бўлди, сен бир элакдан ўтдинг, ижодингни давом эттиравер’, дейишди. Лекин шу оддий бир нарса билан икки йил ижодимиз тўхтаб қолди.

    У ташкилот бизнинг раҳбарларимиздан, яъни ‘Ўзбекнавo’ раҳбарларидан ‘Шу бола ҳақиқатан диний оқимлар билан боғланган бўлиши мумкинми?’, деб сўрашганда ‘Ҳа, мумкин’ деб жавоб беришган экан.

    Хуллас, турли хил бўлар-бўлмас сабаблар билан умумий ҳисобда ўн йил ‘запрет’да юрдим. Биз ўшанда ич-ичимиздан йиғлаганмиз, дардингни ҳеч кимга айта олмайсан.

    Анвар Санаев, хонанда

    Мавзуга доир: 

     

    Анвар Санаев суҳбат давомида уч марта — умумий ҳисобда 10 йил давомида «запрет»да юргани, Жасур Умировнинг белафзлиги оқибати, овоз ёзиш студиясини босим туфайли, мажбуран ёпгани ҳақида очиқ-ойдин гапириб берди.