Футбол бўйича Англия Кубоги 1/8 финал баҳслари доирасида 3 март, сешанба куни учта ўйин бўлиб ўтди.
«Челси» ҳамда «Ливерпуль» жамоалари ўртасидаги марказий баҳс қарама-қарши ҳужумлар остида ўтди. Учрашувнинг 13-дақиқасида меҳмонлар дарвозаси олдида юзага келган кичик саросима охир-оқибат гол билан якунига етди. Мазкур вазиятда Фабиньо ҳамда дарвозабон Адрианнинг қўпол хатосидан кейин «Челси» футболчилари ҳисобда олдинга чиқиб олди.
64-дақиқада мезбонлар ярим ҳимоячиси Росс Баркли тўпни майдон марказидан ўзига бўйсундириб катта тезликда «қизиллар» жарима майдонига кириб борди ва кучли зарбаси билан учрашувдаги якуний ҳисобни ўрнатди.
Шу тариқа «Челси» Англия Кубогида ўз юришини давом эттиради. Аввалроқ Лондоннинг бошқа бир жамоаси — Микель Артета бошқарувидаги «Арсенал» ҳам чорак финал йўлланмасини нақд қилиб улгурганди.
Юрген Клопп бошқарувидаги «Ливерпуль» охирги икки учрашувда ўз дарвозасидан 5 та тўп олиб чиқиб, бирор марта ҳам рақиб дарвозасини ишғол қила олгани йўқ.
Эслатиб ўтамиз, 1/8 финал босқичининг қолган баҳслари 4—5 март кунлари бўлиб ўтади.
Англия Кубоги
1/8 финал баҳслари3 март, сешанба
«Челси» — «Ливерпуль» 2:0
Голлар: 1:0 — 13, Виллиан, 2:0 — 64, Баркли.«Челси»: Аррисабалага, Алонсо, Аспиликуэта, Рюдигер, Зума, Ковачич (Маунт, 42), Баркли, Педро, Гилмур, Виллиан (Жоржиньо, 51), Жиру (Жеймс, 90).
«Ливерпуль»: Адриан, ван Дейк, Робертсон, Гомес, Уильямс, Жонс (Милнер, 70), Фабиньо, Мане, Лаллана (Салоҳ, 80), Минамино, Ориги (Фирмино, 70).
Огоҳлантиришлар: Фабиньо (61), Милнер (76), Мане (90+4).
«Вест Бромвич» — «Ньюкасл» 2:3
Голлар: 0:1 – 33 Альмирон, 0:2 – 45 Альмирон, 0:3 – 47 Лазаро, 1:3 – 74 Филлипс, 2:3 – 90 Зохоре.«Рединг» — «Шеффилд Юнайтед» 1:2
Голлар: 0:1 – 2 Макголдрик, 1:1 – 43, пенальти Пушкаш, 1:2 – 105 Шарп.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)