«Манчестер Сити» клуби «Куритиба» ҳимоячиси Ян Коутони сотиб олди. Инглиз клуби ўз расмий сайтида 17 ёшли футболчи трансферини маълум қилди. Футболчи ёзда «шаҳарликлар» сафига келиб қўшилади.
Коуто «Манчестер Сити» билан беш йиллик шартнома имзолади. ОАВда хабар қилинишича, манкунианликлар трансфер учун 9 миллион евро сарфлаган, шунингдек, 6 миллион миқдорида бонус пуллари ҳам назарда тутилган.
Коутога «Барселона» ҳам харидор бўлган ва футболчи учун 5 миллион евро таклиф қилганди, бироқ «Сити» каталонларни ортда қолдирган.
2019 йилнинг ноябрь ойида футболчи Бразилия ёшлар терма жамоаси билан Жаҳон чемпионига айланганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!