«Яндекс.Такси» хизмати ўз иловасида синов режимида йўловчилар рейтингини ишга туширди. Бу ҳақда компанияга таяниб «РБК» хабар қилган.
Хабарга кўра, «Яндекс.Такси»да йўловчилар рейтинги аввал ҳам бўлган, бироқ у фойдаланувчиларга кўрсатилмаган. Иловадаги ушбу хизмат Android ва iOS платформаларида ишга туширилган ва тест режимида ишламоқда. Рейтинг ҳайдовчи мижозга хизмат кўрсатишни якунлаганидан кейин унга қўйган баҳолари асосида шакллантирилади. Баҳони меню қаторида «Яндекс.Такси» ёки Uber’га уланган исм ёки почта орқали кўриш мумкин.
Ҳайдовчи мижозга беш балли тизимда баҳо беради, рейтинг охирги 40 та баҳо асосида шаклланади. Рейтингда умумий баллар ҳисобланади, бироқ охирги қўйилган баҳолар эскиларига қараганда кучлироқ таъсирга эга бўлади. Масалан, йўловчи бир балл олса, ҳар бир янги баҳо рейтингга таъсир кўрсатмай қўяди, вақт ўтиши билан янги баҳолар аввалги 1 баллнинг бутунлай аҳамиятсиз бўлганини кўрсатиши мумкин.
Компания вакилларининг айтишича рейтинг тизими виждонсиз мижозларни, масалан, йўл ҳақини бермайдиган, машина салонини ифлос қиладиган, ҳайдовчига тажовузкор муносабатда бўладиган, уни сўкиб урадиган мижозларни аниқлашга ёрдам беради. Яхши баҳоларга эга фойдаланувчиларнинг буюртмалари устувор аҳамият касб этади.
Изоҳ (0)